Kyodo mahalliy axborot agentligining xabar berishicha, Yaponiya hukumati 8-iyul kuni suiqasd oqibatida vafot etgan sobiq bosh vazir Sindzo Abening davlat dafn marosimini o‘tkazish sanasini 27-sentabrga belgiladi.
Dafn marosimi Tokiodagi “Budokan” arenasi va Kitanomaru bog‘ida bo‘lib o‘tadi.
Abega hujum Nara shahrida sodir etilgan — u o‘zi boshqargan Liberal-demokratik partiyani qo‘llab-quvvatlab nutq so‘zlayotgan edi. Siyosatchiga suiqasdni mahalliy fuqaro Tetsuya Yamagami amalga oshirgan. U Sindzo Abega ikki marta o‘q uzgan, sobiq bosh vazir bo‘ynidan hamda yuragidan yaralangan. Shundan so‘ng siyosatchi kasalxonaga olib ketildi, ammo shifokorlar uni qutqara olmadi, hujumdan bir necha soat o‘tib Abe kasalxonada vafot etgan.
Abe 12-iyul kuni dafn etildi. Yaponiyaliklarning sobiq bosh vazir bilan vidolashishiga imkon yaratish uchun marosim Tokio ko‘chalari bo‘ylab o‘tkazilgan. So‘ng uning jasadi kuydirilgan.
Yaponiya hukumatini eng uzoq vaqt (2006-yildan 2007-yilgacha va 2012-yildan 2020-yilgacha) boshqargan siyosatchi o‘limidan so‘ng mamlakatning eng faxriy mukofoti — Xrizantema oliy ordeni bilan taqdirlanishi xabar qilingan.
Mavzuga doir: Sindzo Abening halokatli suiqasdidagi hal qiluvchi asosiy 2,5 soniya (video)
Izoh (0)