Buyuk Britaniyaga Rossiyadan ko‘mir importini taqiqlash 2022-yilning 10-avgustidan boshlab, neft importiga taqiq esa 31-dekabrdan boshlab kuchga kiradi. Bu haqda Britaniya hukumati saytida joylashtirilgan hujjatga tayanib, Meduza xabar qildi.
Britaniya aprel oyida 2022-yil oxirigacha Rossiyadan ko‘mir va neft importini taqiqlashi haqida e’lon qilgandi. Biroq o‘shanda aniq sanalar aytilmagan.
Iyun oyining oxirida Buyuk Britaniya Rossiyadan oltin importini cheklashga ham qo‘shildi. Bu kelishuv 21-iyuldan kuchga kirdi, deyiladi Britaniya hukumati saytida.
Yevropa Ittifoqi aprel oyi boshida Rossiya ko‘mirini import qilishni to‘liq taqiqlash bo‘yicha kelishib olgan — may oyining oxirida esa Rossiya neftidan qisman voz kechgan. Ko‘mirga cheklovlar 10-avgustdan, neftga esa yil oxiridan kuchga kiradi.
Bir hafta oldin Germaniya 1-avgustdan boshlab Rossiya ko‘miridan, 31-dekabrdan esa Rossiya neftidan butunlay voz kechishini ma’lum qilgan edi.
Mavzuga doir: AQSH Rossiyadan oltin importini taqiqladi.