“O‘zbekiston milliy elektr tarmoqlari” aksiyadorlik jamiyatining elektr energiyasini sotib olish va sotish funksiyasidan ozod qilinishi rejalashtirilmoqda. Bu haqda bosh vazir o‘rinbosari — iqtisodiy taraqqiyot va kambag‘allikni qisqartirish vaziri Jamshid Qo‘chqorov Qonunchilik palatasidagi ma’ruzasida ma’lum qildi.
Uning so‘zlariga ko‘ra, “Milliy elektr tarmoqlari”ning elektr energiyasini sotib olish va sotish funksiyasidan ozod qilinishi rejalashtirilmoqda. Gaz sohasida bo‘lgani kabi maxsus treyder tashkil qilinadi. Vazir bu bilan tashkilot o‘ziga yuklatilgan ortiqcha vazifadan ozod qilinishini aytib o‘tdi.
Shuningdek, elektr energiyasi sohasida regulyator tashkil etiladi. U elektr energiyasi bozori ishtirokchilari faoliyatini litsenziyalash va amaldagi qonunchilikka rioya etilishi nazorat qiladi.
Eslatib o‘tamiz, O‘zbekiston elektr ta’minoti tizimi Jahon banki ko‘magida modernizatsiya qilinadi.
Izoh (0)