Farg‘ona vodiysi ziyoratchilarining ilk guruhi Haj safaridan qaytdi. Bu haqda “Daryo” muxbiri Azizbek Abduvaliyev xabar bermoqda.
Jidda—Namangan yo‘nalishida uchib kelgan Boeing 767 samolyoti bugun tongda Namangan xalqaro aeroportiga qo‘ndi.
Unda 245 nafar namanganlik ziyoratchi yurtiga qaytib keldi.
Ularni mutasaddi idoralar vakillari kutib oldi va maxsus avtobuslarda kutib olish markazlariga kuzatib qo‘ydi.
Bugun kechki payt amalga oshiriladigan reys bilan Farg‘ona, ertaga esa Andijon viloyatlari ziyoratchilari kutib olinadi. Ular ham maxsus avtobuslarda Namangandan viloyatlaridagi kutib olish markazlariga kuzatiladi.
Jidda—Namangan yo‘nalishida 16 ta aviareys amalga oshirilishi va Farg‘ona, Andijon hamda Namangandan Haj safariga yo‘l olgan jami 3920 nafar ziyoratchi O‘zbekistonga olib kelinishi ko‘zda tutilgan.
Mavzuga doir:
Izoh (0)