O‘zbekistonda 2022/2023-o‘quv yili uchun umumta’lim maktablarida 1-sinfga onlayn qabul uchun ro‘yxatdan o‘tish va ariza topshirish jarayoni boshlangan.
“My.maktab.uz” platformasi ota-onalarga qulaylik yaratish va qabul jarayonlarini tartibli tashkil etish maqsadida tashkil etilgan. Foydalanuvchilar va ota-onalar tizimda kuzatilayotgan texnik kamchiliklar, xatolar sabab ushbu platformadan ko‘ngli to‘lmayotganini bildiryapti.
“Daryo” internet-nashri ijtimoiy tarmoqlarda so‘rovnoma o‘tkazdi. Telegram’dagi so‘rovnomada qatnashganlarning 24 foizi tizimda hech qanday muammo yo‘qligini aytgan bo‘lsa, 16 foizi xatoliklar sabab ariza topshira olmaganini ma’lum qildi. Shuningdek, 20 foiz ovoz hujjatlarni oflayn topshirish yaxshi ekani haqida izoh qoldirgan. Ammo 40 foiz odam esa ushbu platforma haqida eshitmagan.
“Daryo” Innovatsiya, texnologiya va strategiya markazi bosh direktori Abduvali Haydarovdan ushbu platformaning qulayliklaridan tortib, unda kuzatilayotgan texnik xatolar va ota-onalarni qiynayotgan ko‘plab savollarga javob oldi.
Videoning to‘liq variantini “Daryo”ning YouTube’dagi sahifasi orqali tomosha qilishingiz mumkin.
Izoh (0)