AQSH barcha ukrainaliklarni Dissident Human Rights Award mukofoti bilan taqdirladi. Marosim Vashingtondagi Kommunizm qurbonlari yodgorligida bo‘lib o‘tdi. Mukofotni Butun ukrain xalqi nomidan Ukrainaning birinchi xonimi Olena Zelenskaya qabul qilib oldi.
2015-yildan buyon mukofot ozodligidan mahrum qilingan xalqlar faollari va dissidentlariga inson huquqlari va erkinliklarini himoya qilishda ko‘rsatgan jasorati uchun berib kelinadi. Bu yil birinchi marta mukofot muayyan bir shaxsga emas, balki butun Ukraina xalqiga topshirildi.
“Ukrainaliklar Rossiya filtrlash lagerlaridan qanday o‘tmoqda, bosqinchilar bilan hamkorlik qilishga rozi bo‘lmaganlar qanday qiynoqlarga solinmoqda. Bizning xalqimiz Rossiyaga qay tarzda majburan deportatsiya qilinmoqda. Qahramonlik sa’y-harakatlari evaziga biz hozir faqat ozodligimiz uchun kurashish bilan cheklanib qolmayapmiz”, — deydi Zelenskaya.
Uning ta’kidlashicha, ukrainaliklar “Stalinning Buyuk terrori endi rivojlangan dunyoning hech qayerida va hech qachon qo‘llanilmasligini ta’minlash uchun kurashmoqda”.
“Bugungi mukofotning Ukrainaga topshirilishida ham aynan shu haqda gap ketmoqda”, — deya xulosa qildi birinchi xonim.
Ukraina prezidentining rafiqasi Olena Zelenskaya 19-iyul kuni AQSHga rasmiy tashrif bilan keldi. U AQSH prezidenti Jo Bayden va uning rafiqasi Jill, AQSH Davlat kotibi Entoni Blinken bilan uchrashdi.
Izoh (0)