Yevropa dekabrda Rossiyaga qarshi energetika sanksiyalari kuchga kirgunga qadar imkon qadar ko‘proq Rossiya neftini sotib olmoqda. Bu haqda Wall Street Journal xabar berdi.
Fevral oyida Ukrainada urush boshlanganidan beri G‘arb davlatlari Rossiya neftidan voz kechishga kelishdi va yaqinlashib kelayotgan sanksiyalar Yevropa protsessorlari va kema egalari o‘rtasida yoqilg‘i tashishda qora ro‘yxatga tushib qolish qo‘rquvini oshirdi.
Osiyoga Rossiyaning neft eksporti esa ko‘paydi. Vortexa ma’lumotlariga ko‘ra, Xitoy iyun oyida kuniga o‘rtacha 1,13 million barrel Rossiya neftini import qilgan.
Hindiston o‘tgan oyda kuniga taxminan 1 million barrel neft sotib olgan, bu yilning dastlabki ikki oyida deyarli nolga teng edi.
Ushbu tendensiyadan kelib chiqqan holda, Rossiya mavjud bo‘lgan barcha neftini Amerika yoki Yevropa xaridorlarisiz ham sota olishi ma’lum bo‘ldi, — dedi Vortexa bosh iqtisodchisi Devid Vech.
Global flotning qariyb uchdan bir qismini nazorat qiluvchi yunon tanker egalari may va iyun oylarida Rossiya xom neftining yarmini tashigan.
Lloyd’s List Intelligence ma’lumotlariga ko‘ra, o‘sha ikki oy ichida Gretsiya tomonidan boshqariladigan kemalar Qora va Boltiq dengizidagi Rossiya portlariga 151 marta qatnagan.
Yevropa Ittifoqi sanksiyalari 5-dekabrdan kuchga kiradi va Rossiya neftini Yevropaga tashish taqiqlanadi.
Lekin qit’adan tashqariga neft jo‘natish taqiqlanmaydi, ammo sug‘urta ololmagani sabab Rossiya neftini tashuvchi har qanday kemani Yevropaga kirishi noqonuniy bo‘ladi.
Ukraina urushidan oldin Rossiya neft eksportining qariyb 80 foizi Yevropa Ittifoqi, AQSH, Yaponiya va Janubiy Koreya kabi rivojlangan davlatlarga to‘g‘ri kelgan.
Kpler ma’lumotlariga ko‘ra, Rossiyaning G‘arbiy Yevropaga jo‘natmalari urush boshlanganidan beri uchdan ikkiga qisqarib, may oyida kuniga 400 ming barrelga tushib ketgan.
Izoh (0)