O‘zbekistonda kuzatilayotgan anomal issiq ob-havo tufayli poyezdlar harakat jadvalida o‘zgarish bo‘lmoqda. Bu haqda “O‘ztemirуo‘lyo‘lovchi” aksiyadorlik jamiyati xabar qildi.
Qayd etilishicha, harakat xavfsizligini ta’minlash maqsadida barcha turdagi (yuk va yo‘lovchi) poyezdlarning tezligiga cheklovlar berilmoqda.
Shu tufayli yo‘lovchi poyezdlarning harakat jadvaliga, ayniqsa, jo‘nash hamda manziliga yetib borish vaqtlariga o‘zgarish kiritiladi.
“Har bir yo‘lovchini manziliga xavfsiz yetkazib olib borilishini ta’minlash eng muhim vazifadir. Shuni inobatga olib, ‘O‘ztemiryo‘lyo‘lovchi’ AJ rahbariyati yo‘lovchilardan bunday vaziyatni to‘g‘ri tushunishlarini istab, keltirilgan noqulayliklar uchun uzr so‘raydi”, — deyiladi xabarda.
Eslatib o‘tamiz, issiq ob-havo ta’sirida yuz berayotgan bu amaliyot birinchi martasi emas. Iyun oyida ham ikki marta poyezdlar tezligi kamaytirilib, qatnov jadvaliga o‘zgartirish kiritilgan.
Izoh (0)