“Barselona” bosh murabbiyi Xavi Eronga tashrif buyurgani uchun AQSHga qo‘yilmadi.
Kataloniyaliklar yaqin orada mavsumoldi turne uchun AQSHga uchib ketadi, biroq bosh murabbiy jamoa bilan birga bo‘lmaydi.
Dastlab, “Barselona” pasportidagi muammo sabab Xavi ucha olmaganini xabar qilgandi.
Mundo Deportivoning ma’lum qilishicha, Xavi Eronga tashrifi tufayli AQSHga kirishga ruxsat berilmagan. Ispaniyalik mutaxassis futbolchilik paytida Qatarning “As-Sadd” jamoasida to‘p surgan vaqtida uch marta mamlakatga tashrif buyurgan.
Xavi AQSHga kirish uchun maxsus ruxsat olishi kutilgandi, ammo so‘nggi daqiqalarda unga rad javobi berildi. “Barselona” ushbu muammoni hal qilishi uchun dushanbagacha kutishi lozim bo‘ladi.
Izoh (0)