Америкалик тадбиркор, Tesla ва SpaceX асосчиси Илон Маск АҚШ расмийларидан ёрдам сўраган. Бу ҳақда АҚШ собиқ президенти, Республикачилар партиясидан номзод Дональд Трамп Truth Social ижтимоий тармоғида ёзди.
«Илон Маск Оқ уйга келиб, мендан субсидияланган барча лойиҳаларида ёрдам беришимни сўраганида.. ва у Трамп ҳамда республикачиларнинг ашаддий мухлиси эканлигини айтганида, мен унга тиз чўкиб, ёлворинг, дейишим мумкин эди, у буни қилган бўларди», — деб ёзган Трамп.
Трамп Маскнинг «карьерангизни тугатиб, нафақага чиқинг» деган мазмундаги чақириғига шу тарзда жавоб берди.
Аввалроқ Маск у ҳеч қачон республикачига овоз бермагани, бироқ ўтган ой биринчи марта шундай қилгани ҳақида гапирганди. Америкалик бизнесмен, шунингдек, Трампга 2024 йилда навбатдаги президентлик муддатига номзодини қўйиш учун «қариб қолгани»ни айтган.
Май ойида Маск Демократик партияга овоз беришни тўхтатишини ва республикачиларни қўллаб-қувватлашини айтди, чунки демократлар унинг нуқтаи назари бўйича «бўлиниш ва нафрат партияси»га айланган.
Трамп ҳозир 76 ёшда. 2017 йилда лавозимга киришганида у 70 ёшда эди ва бу уни АҚШ тарихидаги энг кекса президентга айлантирган. 2024 йилга келиб, навбатдаги президентлик сайловлари вақтида Трамп 78 ёшга тўлади. Сиёсатчи яна президентлик учун номзодини қўйиши мумкинлигини тан олган.
Изоҳ (0)