Navoiy viloyati Navbahor tumanida pul evaziga haydovchilik guvohnomasiga toifa qo‘shib bermoqchi bo‘lgan sobiq murabbiy ushlandi. Bu haqda Bosh prokuratura huzuridagi departament xabar berdi.
Ma’lum bo‘lishicha, “Vatanparvar” tashkiloti Navbahor tuman o‘quv sport texnika klubi sobiq murabbiyi T.Q. fuqaro J.ga avtomaktabda bo‘lib o‘tayotgan o‘quv guruhiga uni navbatsiz kiritish va haydovchilik guvohnomasiga “D” va “Y” toifasini qo‘shishni va’da qilgan.
Evaziga 3,3 million so‘m va 200 dollarni olgan vaqtida ashyoviy dalillar bilan ushlangan.
Mazkur holat yuzasidan Jinoyat kodeksining 168-moddasi (firibgarlik) bilan jinoyat ishi qo‘zg‘atilib, tergov harakatlari o‘tkazilmoqda.
Izoh (0)