Samarqand viloyati Jomboy tumanida yuk mashinasi buzilib qolgan Damas’ini itarib ketayotgan haydovchini urib ketdi. Bu haqda “Zamon” xabar qildi.
Qayd etilishicha, yo‘l-transport hodisasi Jomboy tumani “Dehqonobod” mahallasi hududidan o‘tuvchi M-39 Olmaota—Toshkent—Termiz avtomobil yo‘lining 1072-kilometrida sodir bo‘lgan. Damas haydovchisi transport vositasining yonilg‘isi tugab qolgani bois katta yo‘lda itarib ketayotgan paytida orqa tomondan harakatlanib kelayotgan yuk mashinasi urib yuborgan.
YTH oqibatida haydovchi olgan tan jarohatlari tufayli voqea joyida vafot etgan. Yuk mashinasi haydovchisi esa voqea joyidan qochib ketgan.
Olib borilgan surishtiruv ishlari natijasida u topilgan. Holat yuzasidan Jinoyat kodeksining 266-moddasi 2-qismi bilan jinoyat ishi qo‘zg‘atilgan. Hozirda tergov harakatlari olib borilmoqda.
Izoh (0)