Saloh, Mane, Mahrez va Hakimi. Afrikada mavsumning eng yaxshi futbolchisi bo‘lish uchun nomzodlar e’lon qilindi

Afrika futbol konfederatsiyasi mavsumning eng yaxshi futbolchisi bo‘lish uchun nomzodlarni e’lon qildi.

Ro‘yxatdan Sadio Mane (“Bavariya” va Senegal), Riyod Mahrez (“Manchester Siti” va Jazoir), Muhammad Saloh (“Liverpul” va Misr), Karl Toka-Ekanbi (“Lion” va Kamerun), Vensan Abubakar (“An-Nasr” va Kamerun), Sebastyan Aller (“Ayaks”/“Borussiya D” va Kot-d’Ivuar), Nabi Keyta (“Liverpul” va Gvineya), Ashraf Hakimi (“PSJ” va Marokash), Eduar Mendi (“Chelsi” va Senegal) va Kalidu Kulibali (“Napoli” va Senegal) kabi futbolchilar o‘rin olgan.

Yilning eng yaxshi terma jamoasi sovrini uchun Burkina-Faso, Kamerun, Misr, Marokash va Senegal kurash olib bormoqda.

G‘oliblar konfederatsiya texnik qo‘mitasi, jurnalistlar, bosh murabbiylar terma jamoas sardorlari ovozlari natijasiga ko‘ra aniqlanadi.

CAF Awards 2022 sovrinini topshirish marosimi 21-iyul kuni Marokashda bo‘lib o‘tadi.