Голливуд актрисаси Кристен Данст ўзининг узоқ йиллик севгилиси ва икки фарзанднинг отаси Жесси Племонсга турмушга чиқди. Тантанали маросим учун таниқли жуфтлик Ямайкадаги ҳашаматли курортни танлади. Миш-мишларга кўра, бу ерда Ян Флеминг ўзининг Жеймс Бонд ҳақидаги романларини, қўшиқчи Стинг эса афсонавий Every Breath You Take қўшиғини ёзган, деб хабар беради Elle.
Энг қизиғи шундаки, Данст ва Племонс худди башорат қилинганидек экранда икки марта бахтли жуфтлик ролини ўйнаган. Дастлаб улар «Фарго» телесериалининг суратга олиш майдончасида учрашишган. Иккинчи марта — Netflix’нинг «Ит қудрати» картинасида иштирок этди. Ушбу фильм учун иккаласи ҳам «Оскар-2022» мукофотига «Энг яхши иккинчи пландаги актёр» номинациясига номзод бўлган.
Кирстен ва Жесси унаштирилганини 2017 йил январь ойида эълон қилган, аммо жуфтлик орадан фақат беш йил ўтибгина оила қуришга қарор қилди. Бундан ташқари, никоҳ маросими иккиси учун фақат расмиятчилик бўлганга ўхшайди. Данст LA Times’га маълум қилганидек, улар узоқ вақтдан ўзларини бир оила деб билади. Қолаверса, уларнинг тўйи пандемия ва актрисанинг иккинчи фарзанди дунёга келиши туфайли қолдирилган.
Мавзуга доир:
Изоҳ (0)