Qashqadaryoda mast erkak mushukni ayovsiz kaltaklab, devorga uloqtirib yuborgani haqida xabar berilgandi. Viloyat IIB xabar qilishicha, ushbu shaxs ushlanib, javobgarlikka tortilgan.
2022-yil 4-iyul kuni soat 08:30 larda Chiroqchi tumani Obod MFYda yashovchi voyaga yetmagan 2006-yilda tug‘ilgan A.M. Ko‘kdala tumani “Xo‘jaobod” mahallasida yashovchi amakisi A.A.ni uyiga mehmonga borib, xonadon egasiga tegishli bo‘lgan uy mushugiga nisbatan shafqatsiz munosabatda bo‘lgan.
Ma’muriy huquqbuzarlik sodir qilgan A.M. voyaga yetmaganligi sababli uning otasi H.A.ga nisbatan Chiroqchi tumani IIB JXX HPB profilaktika inspektori tomonidan Ma’muriy javobgarlik to‘g‘risidagi kodeksning 47-moddasi (bolalarni tarbiyalash va ularga ta’lim berish borasidagi majburiyatlarni bajarmaslik) bilan ma’muriy bayonnoma rasmiylashtirildi.
Izoh (0)