Самарқанд вилояти Каттақўрғон туман адлия бўлими томонидан туман Халқ таълими бўлимида ўтказилган мониторинглар натижасида ҳудуддаги 20 нафардан ортиқ мактаблардаги кутубхоначиларга берилиши керак бўлган қўшимча рағбатлантириш пуллари тўлаб берилмаганлиги аниқланди.
Хусусан, тумандаги 31-мактаб кутубхоначиси Н.Бозорова 2 182 957 сўм, 92-мактаб кутубхоначиси М.Ялғашова 1 029 697 сўм, 44-мактаб кутубхоначиси Х.Шарипов 2 059 394 сўм, худди шунингдек, 4, 41, 73, 104, 28, 8, 27, 24, 51, 5- сингари мактаб кутубхоначиларига ана шундай миқдордаги иш ҳақларига қўшимча тарзда берилиши лозим бўлган жами 25 нафар кутубхоначига 54 миллион 580 минг 431 сўм тўланмаган.
Адлия бўлими ходимларнинг манфаатларини кўзлаб Фуқаролик ишлари бўйича Каттақўрғон туманлараро судига даъво аризаси киритди. Суд Ўзбекистон Республикаси Фуқаролик процессуал кодексининг 171, 178-моддаларини қўллаб, адлия бўлимининг аризасини қаноатлантирди.
Ўзбекистон президентининг 2022 йил 11 майдаги ПФ-134-сон фармони билан умумтаълим мактабларида фаолият юритаётган кутубхоначиларининг ойлик маошлари 2022 йил 1 сентябрдан оширилиши белгиланди.
Изоҳ (0)