“Ukrainada 22 million tonna don to‘sib qo‘yilgan” — Zelenskiy

Zelenskiy hozirda Ukrainada 22 million tonna don to‘sib qo‘yilgan, ammo keyingi bir necha oy ichida bu raqam uch baravar oshishi mumkinligini aytdi. Bu haqda CNN xabar bermoqda. 

Unda biz haqiqatan ham qiyin, juda og‘ir ahvolga tushib qolamiz, — deydi Zelenskiy. 

Ukraina prezidenti Birlashgan Millatlar Tashkiloti bilan Ukrainaga Qora dengiz portlaridan don eksport qilish imkonini beradigan xavfsiz koridor ochishga harakat qilayotganini aytdi.

Turkiya prezidenti Rajab Toyyib Erdo‘g‘on ham Qora dengizda don yo‘lagini ochish masalasi bo‘yicha muzokaralar davom etayotgani, 7-10 kun ichida natijaga erishish mumkinligini ma’lum qilgan edi.

Iyun oyi o‘rtalarida AQSH ko‘proq don eksport qilish va global oziq-ovqat inqirozining oldini olish maqsadida Ukraina chegarasida, shu jumladan, Polshada vaqtinchalik siloslar qurish rejasini ma’lum qilgandi. 

Turkiya donni butun dunyoga eksport qilish uchun Rossiya va Ukraina o‘rtasida muzokaralar o‘tkazmoqda. 

Mavzuga doir: 

• Erdo‘g‘on Putin va Zelenskiy bilan “don uchun yo‘lak” masalasini muhokama qilishni rejalashtirmoqda
• “Rossiya Ukraina donining eksportiga to‘sqinlik qilmayapti” — Putin
• Turkiya Ukraina bug‘doyini eksport qilish bo‘yicha Rossiya bilan muzokara o‘tkazdi