Xitoyning qarzi bu yil rekord darajaga yetishi mumkin, chunki markaziy bank kreditlarni ko‘paytirishga va kurashayotgan iqtisodiyotni qo‘llab-quvvatlashga harakat qilmoqda. Bu haqda Bloomberg xabar berdi.
Xitoyda umumiy kredit koeffitsiyenti — jami qarzning yalpi ichki mahsulotga nisbatan ulushi joriy yilda 11,3 foiz punktga o‘sib, 275 foiz atrofida bo‘lishi kutilmoqda.
Bu orqali Markaziy bank buxgalteriya balansini kengaytirib, iqtisodiyotni kuchaytirmoqchi.
Xitoy 2017-yildan beri qarzdorlikni ko‘paytirgan va iqtisoddagi moliyaviy xavfni oshirganidan keyin leveraj koeffitsiyentini jilovlashga harakat qilmoqda.
Jami global qarz esa 2022-yilning birinchi choragida yana 3,3 trln dollarga oshib, yangi rekord darajaga yetgan edi. Umumiy qarz 305 trln dollarni yoki jahon yalpi ichki mahsulotining 348 foizini tashkil etdi.
Yalpi ichki mahsulotga nisbatan qarz hozirda 2021-yilning birinchi choragidagi eng yuqori cho‘qqisiga nisbatan 15 foizga kam. Moliyaviy sektorsiz umumiy qarz 236 trln dollarni tashkil etadi, bu pandemiya boshidagidan 40 trln dollarga ko‘pdir.
Qarzning katta qismi hamon iqtisodiyoti rivojlangan mamlakatlarga to‘g‘ri keladi – 206,7 trln dollar (bir yil avval – 204,4 trillion dollar). Rivojlanayotgan mamlakatlarda esa bu ko‘rsatkich 98,6 trln dollarga yetdi.
Izoh (0)