«Украинада 22 миллион тонна дон тўсиб қўйилган» — Зеленский

Зеленский ҳозирда Украинада 22 миллион тонна дон тўсиб қўйилган, аммо кейинги бир неча ой ичида бу рақам уч баравар ошиши мумкинлигини айтди. Бу ҳақда CNN хабар бермоқда. 

Унда биз ҳақиқатан ҳам қийин, жуда оғир аҳволга тушиб қоламиз, — дейди Зеленский. 

Украина президенти Бирлашган Миллатлар Ташкилоти билан Украинага Қора денгиз портларидан дон экспорт қилиш имконини берадиган хавфсиз коридор очишга ҳаракат қилаётганини айтди.

Туркия президенти Ражаб Тоййиб Эрдўғон ҳам Қора денгизда дон йўлагини очиш масаласи бўйича музокаралар давом этаётгани, 7-10 кун ичида натижага эришиш мумкинлигини маълум қилган эди.

Июнь ойи ўрталарида АҚШ кўпроқ дон экспорт қилиш ва глобал озиқ-овқат инқирозининг олдини олиш мақсадида Украина чегарасида, шу жумладан, Польшада вақтинчалик силослар қуриш режасини маълум қилганди. 

Туркия донни бутун дунёга экспорт қилиш учун Россия ва Украина ўртасида музокаралар ўтказмоқда. 

Мавзуга доир: 

• Эрдўғон Путин ва Зеленский билан «дон учун йўлак» масаласини муҳокама қилишни режалаштирмоқда
• «Россия Украина донининг экспортига тўсқинлик қилмаяпти» — Путин
• Туркия Украина буғдойини экспорт қилиш бўйича Россия билан музокара ўтказди