“O‘z vaqtida qat’iy chora ko‘rilmasa, erishilgan yutuqlar g‘arazli tashqi kuchlar ta’siri bilan jiddiy xavf ostida qolishi mumkin ekan” — Shavkat Mirziyoyev

Shavkat Mirziyoyev Qoraqalpog‘istondagi voqealardan keyin doimo hushyor va ogoh bo‘lishga chaqirdi.

“Yuz bergan voqealarni tahlil qilar ekanmiz, biz bir narsani hech qachon unutmasligimiz kerak: agar o‘z vaqtida qat’iy chora ko‘rilmasa, mehnatkash va bunyodkor xalqimiz o‘n yillar davomida mashaqqat bilan erishgan yutuq va marralar g‘arazli tashqi kuchlarning ta’siri bilan jiddiy xavf ostida qolishi mumkin ekan.

Agar doimo hushyor va ogoh, qat’iyatli bo‘lib ish ko‘rmasak, yurtimiz, xonadonlarimiz tinchligi va osoyishtaligi, farzandlarimiz kelajagi osongina xavf ostida qolishi hech gap emas ekan.

Mana shu haqiqatni, bugungi kunda qanday notinch va murakkab zamonda yashayotganimizni joylardagi barcha rahbarlar yana bir bor har tomonlama chuqur tushunib olishlari lozim”.