Shavkat Mirziyoyev Qoraqalpog‘istondagi vaziyat izga tushayotganini ma’lum qildi

Shavkat Mirziyoyev o‘zi raisligidagi yig‘ilishda Qoraqalpog‘istondagi vaziyat haqida gapirib o‘tdi.

“Hozirgi vaqtda Qoraqalpog‘istondagi vaziyat izga tushmoqda. Eng asosiysi, aholining tinchligi va hayotiga hech narsa xavf solayotgani yo‘q.

Iqtisodiyot tarmoqlari ishlamoqda. Odamlar kundalik ishlari va yumushlari bilan band. Dehqonlar o‘z dalasida ishlamoqda, peshona teri bilan yaratgan hosillarini yig‘ishtirmoqda.

Bozorlar, do‘konlar va boshqa xizmat ko‘rsatish obyektlari faoliyat yuritmoqda. Mamlakatimizning barcha hududlaridan bu yerga oziq-ovqat va boshqa zarur mahsulotlar yetkazib berilmoqda.

Davlat hokimiyati organlari, jamoatchilik vakillari va huquqni muhofaza qilish tuzilmalari tomonidan hududda barqaror vaziyatni ta’minlash bo‘yicha uyushgan va muvofiqlashgan holda ish olib borilmoqda”.