Farg‘onada uch ayol bir ayolni ‘samosud’ qildi

Ijtimoiy tarmoqlarda tarqalgan “Uch ayol bir ayolni ‘samosud’ qildimi?” sarlavhali videoxabar Farg‘ona viloyati IIB tomonidan o‘rganib chiqildi.

Ma’lum bo‘lishicha, 2022-yilning 22-iyun kuni Farg‘ona shahar Bozor yo‘li ko‘chasida tilla savdosi bilan shug‘ullanuvchi Q.S (ayol) o‘zaro savdo munosabatlari yuzasidan shu yerda tilla buyumlar sotuvchisi (tanishi) A.G (ayol) bilan janjallashib ketishgan.

Janjalga shu yerda bo‘lgan A.G.ning ikki nafar singillari A.R va G.A ham aralashib, bir-birlariga yengil tan jarohati yetkazishgan.

Sudga oid tibbiy ekspertizaning 2022-yil 6-iyul kungi xulosasida A.X, Q.S hamda A.R. yengil tan jarohati olganligi ko‘rsatilgan.

Hozirda mazkur holat yuzasidan Farg‘ona shahar IIO FMB tomonidan tergovga qadar tekshiruv harakatlari olib borilmoqda.