Ижтимоий тармоқларда тарқалган «Уч аёл бир аёлни ‘самосуд’ қилдими?» сарлавҳали видеохабар Фарғона вилояти ИИБ томонидан ўрганиб чиқилди.
Маълум бўлишича, 2022 йилнинг 22 июнь куни Фарғона шаҳар Бозор йўли кўчасида тилла савдоси билан шуғулланувчи Қ.С (аёл) ўзаро савдо муносабатлари юзасидан шу ерда тилла буюмлар сотувчиси (таниши) А.Г (аёл) билан жанжаллашиб кетишган.
Жанжалга шу ерда бўлган А.Г.нинг икки нафар сингиллари А.Р ва Г.А ҳам аралашиб, бир-бирларига енгил тан жароҳати етказишган.
Судга оид тиббий экспертизанинг 2022 йил 6 июль кунги хулосасида А.Х, Қ.С ҳамда А.Р. енгил тан жароҳати олганлиги кўрсатилган.
Ҳозирда мазкур ҳолат юзасидан Фарғона шаҳар ИИО ФМБ томонидан терговга қадар текширув ҳаракатлари олиб борилмоқда.
Изоҳ (0)