5-iyulda yevro dollarga nisbatan 20 yillikdagi eng past darajaga tushib ketdi. Bu haqda Reuters xabar bermoqda.
Bunga sabab esa tabiiy gaz narxining ko‘tarilishi Yevropa iqtisodiyoti haqida xavotirlarni kuchaytirgani va iyun oyida mintaqadagi biznes o‘sishi keskin sekinlashganidir.
Yevro dollarga nisbatan 1,3 foizga tushib, 1 yevro uchun 1,0281 dollarni tashkil etdi. Bu esa 2002-yilning dekabridan beri eng zaif ko‘rsatkich.
Valyuta Shveysariya frankiga nisbatan 0,9 foizga tushib, 1 yevro uchun 0,9925 frankni tashkil etdi. Bu 2015-yildan beri eng past ko‘rsatkichdir.
Dollar indeksi 1,1 foizga ko‘tarilib, 106,24 ni tashkil etdi. Bu valyuta uchun ikki o‘n yillikning eng yuqori ko‘rsatkichidir.
O‘tgan yildan beri inflyatsiya global mavzu bo‘lib kelmoqda. Iqtisodiy o‘sish sur’ati esa joriy yilning 2-choragida sezilarli darajada yomonlashdi.
Avvalroq yevroning so‘mga nisbatan qiymati ma'lum bo'lgan edi.
Izoh (0)