“Tolibon” Afg‘onistonda Forex’ni taqiqladi

Afg‘oniston Markaziy banki onlayn valyuta savdosini taqiqlab, uni islom bo‘yicha “noqonuniy” deb e’lon qildi. Bu haqda Bloomberg xabar berdi.

Forex (Foreign Exchange) — bu xalqaro banklararo valyuta airboshlash birjasi.

Shuningdek, bank bu bilan shug‘ullangan har qanday shaxs jinoiy javobgarlikka tortilishi haqida ogohlantirdi.

“Tolibon” o‘tgan yili hokimiyatga qaytganidan beri, mamlakatning zaif iqtisodiy inqirozi ko‘plab afg‘onistonliklarni pullarini saqlab qolish uchun onlayn Forex yoki kriptovalyuta savdosiga o‘tishga majbur qildi.

Bank shuningdek, boks sport zalida onlayn valyuta savdosi musulmon diniga zid ekanligini muhokama qilayotgan ikki erkak videosini ham Twitter’ga joylashtirdi. Markaziy bank mamlakatda kriptovalyuta savdosini ham taqiqlaydimi yoki yo‘qmi, hozircha aniq emas.

Qancha odam onlayn Forex bilan shug‘ullanayotgani haqida aniq ma’lumot yo‘q, lekin har kuni millionlab dollar asosan poytaxt Kobuldagi eng yirik valyuta bozori Sara-e Shahzodadagi savdogarlar tomonidan sotiladi.