Rossiyalik siyosatchi Aleksey Navalniy unga qamoqxonada boshqa mahbuslardan farqli ravishda yaqinlariga qo‘ng‘iroq qilishga ruxsat berilmayotganini ma’lum qildi. Bu haqdagi bayonot uning ijtimoiy tarmoqlardagi sahifalariga joylashtirilgan.
“Na onamga va na xotinimga qo‘ng‘iroq qilishimga ruxsat berishyapti”, — deb yozgan siyosatchi.
Navalniyning so‘zlariga ko‘ra, koloniya xodimlari telefon suhbatini uning kun tartibiga shunda qo‘yganki, qo‘ng‘iroqni amalga oshirish deyarli imkonsiz: masalan Navalniyning telefon suhbati advokati bilan uchrashadigan vaqtga belgilangan.
Menga ayyorona, mamnun nigoh bilan qarashadi. Hammasi Moskvadan berilgan buyruqdan keyin qilinayotganini yaxshi tushunaman. Sovet davridagi dissidentlar haqida yozilgan har qanday kitobni o‘qisangiz, taxminan, shunday manzaraga duch kelasiz. Mazkur “kashfiyot”lar aslo tugamaydi, hammasi hayotni qiyinlashtirish va ikir-chikirlar bilan asabga yetish uchun qilinadi. Bundan yovuz maqsad ko‘zlangan va bu vahshiyona yo‘l.Aleksey Navalniy Vladimir viloyatidagi 6-koloniyada firibgarlik ayblovi bo‘yicha jazo o‘tamoqda, siyosatchi va uning tarafdorlari mazkur choraning oldindan uyushtirilganini ta’kidlagan. Qamoqxona mahbuslar bir necha marta tajovuzkor tartibdan noligan og‘ir koloniya. Navalniyning o‘zi qamoqxona ichida yana bir qamoqxona borligini qayd etgan.Aleksey Navalniy
Navalniyning so‘zlariga ko‘ra, koloniyada u tizzasidan ham past kursichada yetti soat davomida tikuv mashinasida ishlabdi, jismoniy mehnatdan keyin va dam olish kunlarida Putin portreti ostida yog‘ochdan qilingan minbarda bir necha soat davomida o‘tiradi.
Izoh (0)