“Arsenal” “Manchester Siti” hujumchisi Gabriel Jezusni o‘z safiga qo‘shib oldi.
Avvalroq “kanonirlar” hujumchiga qancha to‘laganini ochiqlamagandi. Transfermarkt portali londonliklar Gabriel uchun 52 million yevro to‘laganini e’lon qildi. Shu tariqa braziliyalik hujumchi “Arsenal” tarixidagi eng qimmat transferlar beshligidan joy oldi.
Londonliklar tarixidagi eng qimmat transfer Nikolya Pepe hisoblanadi. Ingliz klubi ivuarlik futbolchini 2019/20-yilgi mavsumda “Lill”dan 80 million yevro evaziga xarid qilgan. “Borussiya D”dan 63,8 million yevroga xarid qilingan Pyer-Emerik Obameyang ikkinchi o‘rinni egallab turibdi. O‘tgan mavsumda “Brayton”dan 58,5 million yevroga sotib olingan Ben Uayt kuchli uchlikni yakunlab bergan.
“Arsenal” xarid qilgan eng qimmat futbolchilar:
- Nikolya Pepe (“Lill”dan) — 80 million yevro;
- Pyer-Emerik Obameyang (“Borussiya D”dan) — 63,8 million;
- Ben Uayt (“Brayton”) — 58,5 million;
- Aleksandr Lyakazett (“Lion”dan) — 53 million;
- Gabriel Jezus (“Manchester Siti”dan) — 52 million;
- Tomas Partey (“Atletiko”) — 50 million;
- Mesut O‘zil (“Real”dan) — 47 million;
- Granit Jaka (“Borussiya M”dan) — 45 million;
- Aleksis Sanches (“Barselona”dan) — 42,5 million;
- Shkodran Mustafi (“Valensiya”dan) — 41 million.
Izoh (0)