«Арсенал» «Манчестер Сити» ҳужумчиси Габриэль Жезусни ўз сафига қўшиб олди.
Аввалроқ «канонирлар» ҳужумчига қанча тўлаганини очиқламаганди. Transfermarkt портали лондонликлар Габриэль учун 52 миллион евро тўлаганини эълон қилди. Шу тариқа бразилиялик ҳужумчи «Арсенал» тарихидаги энг қиммат трансферлар бешлигидан жой олди.
Лондонликлар тарихидаги энг қиммат трансфер Николя Пепе ҳисобланади. Инглиз клуби ивуарлик футболчини 2019/20 йилги мавсумда «Лилл»дан 80 миллион евро эвазига харид қилган. «Боруссия Д»дан 63,8 миллион еврога харид қилинган Пьер-Эмерик Обамеянг иккинчи ўринни эгаллаб турибди. Ўтган мавсумда «Брайтон»дан 58,5 миллион еврога сотиб олинган Бен Уайт кучли учликни якунлаб берган.
«Арсенал» харид қилган энг қиммат футболчилар:
- Николя Пепе («Лилл»дан) — 80 миллион евро;
- Пьер-Эмерик Обамеянг («Боруссия Д»дан) — 63,8 миллион;
- Бен Уайт («Брайтон») — 58,5 миллион;
- Александр Ляказетт («Лион»дан) — 53 миллион;
- Габриэль Жезус («Манчестер Сити»дан) — 52 миллион;
- Томас Партей («Атлетико») — 50 миллион;
- Месут Ўзил («Реал»дан) — 47 миллион;
- Гранит Жака («Боруссия М»дан) — 45 миллион;
- Алексис Санчес («Барселона»дан) — 42,5 миллион;
- Шкодран Мустафи («Валенсия»дан) — 41 миллион.
Изоҳ (0)