“Manchester Yunayted” yozda bir nechta transferni amalga oshiradi.
Manchester Evening News nashri xabariga ko‘ra, Mankunianliklar “Feyenoord” himoyachisi Tirell Malasiya bilan kelishuvga erishgan. “Barselona” yarim himoyachisi Frenki de Yongning transfer narxi bo‘yicha og‘zaki kelishuv bor. Shuningdek, “Ayaks” markaziy himoyachisi Lisandro Martinesga rasmiy taklif yuborgan.
“Manchester Yunayted” bosh murabbiyi Erik ten Hag “Ayaks” vingeri Antoni va Daniya terma jamoasi a’zosi, “Brentford” bilan shartnomasi yakuniga yetadigan Kristian Eriksenni olib kelish haqida o‘ylamoqda.
“Qizil iblislar” dastlabki yangi futbolchini ushbu haftada taqdim etmoqchi. Qolgan transferlar esa iyul oyi davomida, Tailand va Avstraliyadagi mavsumoldi yig‘inlari yakuniga yetkunga qadar amalga oshiriladi.
Undan tashqari Manchester klubi Aaron Uan-Bissaka, Brendan Uilyams, Aleks Telles, Erik Bayi, Fil Jons, Aksel Tuanzebe, Andreas Pereyra va hujumchi Antoni Marsyalni sotib yubormoqchi.
Izoh (0)