Ҳозирги кунда Инновацион ривожланиш вазирлиги кўплаб стартап лойиҳаларни молиялаштирмоқда. Улардан бири Real history лойиҳасидир.
Wolfsofts томонидан Хоразм вилоятида амалга оширилаётган ушбу лойиҳа Ўзбекистоннинг туристик шаҳарларини 3D, ВР-Бох моделларини яратишга асосланган стартапдир.
Лойиҳа Инновацион ривожланиш вазирлиги томонидан деярли 1 млрд сўмга баҳоланган.
Унинг амалга оширилиши натижасида тақдим қилинадиган ускуна орқали қадим шаҳарларга виртуал саёҳат қилиш имконияти яратилади.
Бундан асосий мақсад эса, мозийга саёҳат қилиш реаллигини ошириш ва ўтмиш билан яқинроқ танишиш имкониятини тақдим этишдир.
[/video]
Лойиҳа доирасида 15 нафар ёш мутахассислар фаолият юритмоқда. У нафақат ўзбекистонликларни, балки чет элликларни ҳам қамраб олиши кўзда тутилмоқда.
Аввалроқ UzVC Миллий венчур фонди илк стартапини 100 минг долларга молиялаштиргани ҳақида хабар берилганди.
Изоҳ (0)