Turkiya prezidenti Rajab Toyyib Erdo‘g‘on yaqin vaqt ichida Rossiya hamda Ukraina prezidentlari Vladimir Putin va Vladimir Zelenskiy bilan telefon suhbatlari o‘tkazishni rejalashtirmoqda. Bu haqda “Interfaks” xabar qilgan.
“Hafta oxirida yoki kelasi hafta boshida don uchun yo‘lak masalasini Putin hamda Zelenskiy bilan telefonda suhbatlashgan holda muhokama qilib olishni rejalashtirayapman”, – degan Erdo‘g‘on Madridda o‘tkazilgan matbuot anjumanida.
Turkiya davlat rahbari mamlakatning barqaror siyosat olib bormoqchiligi, qarama-qarshiliklarga asoslangan yo‘nalish tarafdori emasligini qayd etgan. Erdo‘g‘on Rossiya prezidenti bilan ham, Ukraina yetakchisi bilan ham sermahsul muzokaralar olib borilishiga umid qilmoqda.
Shuningdek, u NATO tomonidan Ukrainaga ko‘mak berilayotganiga qaramay, alyans barchasini “tinchlik e’tibori” bilan hal etishi zarurligi, mazkur “ijtimoiy drama” ijobiy yakun topishiga intilish kerakligini ta’kidlagan.
Avval Turkiya Finlyandiya va Shvetsiyaning NATOga qo‘shilishiga rozilik bergani, Turkiya va Isroil diplomatik aloqalarni elchilar darajasigacha oshirish ustida ish boshlangani haqida xabarlar berilgandi.
Izoh (0)