Transfermarkt portali Shimoliy Amerikaning ayni vaqtdagi eng qimmat o‘yinchilari reytingini e’lon qildi.
Unga ko‘ra, “Bavariya” himoyachisi Alfonso Devis birinchi o‘rinni egalladi. Kanadalik futbolchining transfer narxi 70 million yevroga teng.
45 million yevro bilan ikkinchi o‘rinni “Lill” hujumchisi Jonatan Devid egalladi. Kuchli uchlikni “Chelsi” vakili Kristian Pulishich 42 million yevro bilan yakunlab bergan.
“Borussiya D” yarim himoyachisi Jovanni Reyna (35 million) va “Napoli” vingeri Irvin Lozano (30 million) keyingi o‘rinlarni band etgan.
Shimoliy Amerikaning eng qimmat o‘n futbolchisi:
- Alfonso Devis (“Bavariya”, Kanada) — 70 million yevro;
- Jonatan Devid (“Lill”, Kanada) — 45 million;
- Kristian Pulishich (“Chelsi”, AQSH) — 42 million;
- Jovanni Reyna (“Borussiya D”, AQSH) — 35 million;
- Irvin Lozano (“Napoli”, Meksika) — 30 million;
- Brenden Eronson (“Red Bull”, AQSH) — 25 million;
- Ueston Makkeni (“Yuventus”, AQSH) — 25 million;
- Leon Beyli (“Aston Villa”, Yamayka) — 25 million;
- Edson Alvares (“Ayaks”, Meksika) — 22 million;
- Serjinyo Dest (“Barselona”, AQSH) — 18 million.
Avvalroq Osiyoning ayni vaqtdagi eng qimmat o‘yinchilari ro‘yxati e’lon qilingan va undan O‘zbekiston terma jamoasi vakili Eldor Shomurodov ham joy olgani xabar qilingandi. Shuningdek, Afrikaning eng yaxshi futbolchilari haqida ham ma’lumot berilgan.
Izoh (0)