Transfermarkt портали Шимолий Американинг айни вақтдаги энг қиммат ўйинчилари рейтингини эълон қилди.
Унга кўра, «Бавария» ҳимоячиси Альфонсо Дэвис биринчи ўринни эгаллади. Канадалик футболчининг трансфер нархи 70 миллион еврога тенг.
45 миллион евро билан иккинчи ўринни «Лилл» ҳужумчиси Жонатан Дэвид эгаллади. Кучли учликни «Челси» вакили Кристиан Пулишич 42 миллион евро билан якунлаб берган.
«Боруссия Д» ярим ҳимоячиси Жованни Рейна (35 миллион) ва «Наполи» вингери Ирвин Лозано (30 миллион) кейинги ўринларни банд этган.
Шимолий Американинг энг қиммат ўн футболчиси:
- Альфонсо Дэвис («Бавария», Канада) — 70 миллион евро;
- Жонатан Дэвид («Лилл», Канада) — 45 миллион;
- Кристиан Пулишич («Челси», АҚШ) — 42 миллион;
- Жованни Рейна («Боруссия Д», АҚШ) — 35 миллион;
- Ирвин Лозано («Наполи», Мексика) — 30 миллион;
- Бренден Эронсон («Red Bull», АҚШ) — 25 миллион;
- Уэстон Маккени («Ювентус», АҚШ) — 25 миллион;
- Леон Бэйли («Астон Вилла», Ямайка) — 25 миллион;
- Эдсон Альварес («Аякс», Мексика) — 22 миллион;
- Сержиньо Дест («Барселона», АҚШ) — 18 миллион.
Аввалроқ Осиёнинг айни вақтдаги энг қиммат ўйинчилари рўйхати эълон қилинган ва ундан Ўзбекистон терма жамоаси вакили Элдор Шомуродов ҳам жой олгани хабар қилинганди. Шунингдек, Африканинг энг яхши футболчилари ҳақида ҳам маълумот берилган.
Изоҳ (0)