“Barselona” Amerikaning Sixth Street investitsion kompaniyasi bilan shartnoma imzoladi. Bu haqida kataloniyaliklar rasmiy sayti ma’lum qildi.
Ushbu kompaniya keyingi 25 yil davomida ispan klubi televizion huquqlarining 10 foiziga egalik qiladi. “Barselona” esa kelishuvdan 207,5 million yevro ishlab oladi.
Avvalroq klub moliyaviy holatini yaxshilash uchun televideniye huquqlarining 25 foizini, shuningdek, litsenziyalash va merchendayzing sohasidagi ulushning deyarli 50 foizini sotishga qaror qilgani xabar qilingandi.
Sixth Street “San-Antonio” basketbol jamoasining 20% ulushiga egalik qiladi, shuningdek, “Real Madrid”ga 360 million dollar sarmoya kiritgan. Madrid klubi stadiondan tushgan daromadning 30 foizini kompaniya hisobiga o‘tkazadi.
“Barselona” avvalroq Spotify bilan hamkorlik imzolagan va bu 435 million yevroga baholangani aytilgandi. 2022-yilning iyulidan boshlab “Kamp Nou” stadioni nomida Spotify atamasi paydo bo‘ladi va bu 12 mavsum davomida amalda bo‘ladi.
Izoh (0)