2022-yil 4-mart kuni 2015-yildan beri NASA kuzatuvida bo‘lgan raketa Oyga kelib urilgan. Raketaning qayerdan kelgani noma’lum: taxminlarga ko‘ra u Xitoy 2014-yilda amalga oshirgan Oy missiyasiga (Change 5-T1) aloqador bo‘lishi mumkin. Biroq Xitoy vakillari mazkur taxminni inkor etib, yetkazuvchi raketa atmosferaga muvaffaqiyatli kirgani va uning qatlamida yonib ketganini ta’kidlamoqda. Bu haqda TJournal xabar berdi.
Koinotdagi obyektlarni kuzatish uchun dasturiy ta’minot yaratgan astronom Bill Grey mazkur raketaning China 5-T1 ekaniga 99,9 foiz ishonchi komil ekanini qayd etgan. Mazkur dalilning haqiqatga yaqinligi Xitoy garchi raketalar uchirish bilan bog‘liq jarayonlarni translyatsiya qilishi, ammo ularning yo‘nalishi haqida qo‘shimcha ma’lumot bermasligi bilan izohlanmoqda.
Raketaning Oy yuzasiga kelib urilishi avval kuzatilmagan holat. Raketa Oyga urilganidan keyin diametrlari mos ravishda 18 va 16 metr bo‘lgan ikkita krater yuzaga kelgan.
Bu raketaning har ikki tomonida og‘ir massa bo‘lganini ko‘rsatmoqda: odatda energiyasini sarflab bo‘lgan raketa massasi dvigatel tomonga o‘tadi, qolgan qism esa bo‘shab qolgan yonilg‘i bakidan iborat bo‘ladi.
NASA
Izoh (0)