NASAning Curiosity marsoxodi Qizil sayyorada uglerodning noodatiy turini topdi. Bu haqda NASA saytida ma’lum qilingan.
Rover Mars tog‘ jinslari namunalaridan ajratib olingan metan molekulalaridagi uglerod izotoplarining ulushini analiz qilgan. Tadqiqot natijalari shuni ko‘rsatdiki, metanning izotopik tarkibi quruqlikdagi bakteriyalar ishlab chiqadigan gazga o‘xshab ketadi. Uglerodda ikkita barqaror izotop — 12 va 13 bor. Olimlar ulardan har birining namunalardagi nisbiy miqdorini tushunishga harakat qildi.
“Namunada uglerod-13 deyarli yo‘q. U 2,7 milliard yil avval hozirgi Avstraliya o‘rnida bakterial usulda hosil bo‘lgan eng qadimiy tog‘ jinslariga o‘xshaydi”, — deydi AQShning Pensilvaniya universiteti professori Kristofer Xauz.
Shu bilan birga, olimning ta’kidlashicha, bu tog‘ jinslari tirik organizmlarning ishtirokisiz shakllangan bo‘lishi mumkinligini hozircha inkor etib bo‘lmaydi. Shu bois tadqiqotchilar qizil sayyorada qadimiy hayot izlarini topishga va ma’lumotlar yig‘ishni davom ettirishga umid qilmoqda.
Biroq qanday tushuntirilmasin ushbu jarayonlar Yerda sodir bo‘ladigan hech bir hodisaga o‘xshamaydi, deydi olimlar.
Avvalroq Marsda uchta kuchli zilzila qayd etilgani, Perseverance marsoxodi birinchi marta Mars yuzasidan tuproq namunasini olgani haqida xabar berilgandi.
Mavzuga doir:
Izoh (0)