Қозоғистонлик тадбиркор Алишер Свамбаев қамоқхона маҳбуслари учун онлайн дўкон очди. Бу ҳақда Forbes хабар бермоқда.
2022 йил февраль ойида у «зонамаркет.кз» хизматини ишга туширди, унинг ёрдамида маҳбуслар керакли буюмларни қариндошлари етказиб беришини кутмасдан, ўзлари учун зарур бўлган товарларга буюртма беришлари мумкин.
Дўкон очиш ғояси Алишерга таниши панжара ортига тушиб қолганида туғилган. Унинг яқинлари маҳсулотларни ўтказишдаги қийинчиликлардан шикоят қила бошлаган.
Совға жўнатиш учун маҳкумларнинг қариндошлари бир неча соат давомида қамоқхона деворлари олдида навбатга туришади, тинтув ўтказишади, шунда ҳам айрим маҳсулотларга рухсат берилмайди.
Бу форматдаги стартап оддий онлайн дўкондан унчалик фарқ қилмайди, бундан ташқари тизим телефон ёки компьютердан эмас, балки қамоқхонада ўрнатилган банк каби махсус терминал орқали ишлатилади.
Ассортимент фақат рухсат этилган маҳсулотлар ва товарларни ўз ичига олади, шунинг учун улар адресатга етказиб берилганда, "тақиқлаш" билан боғлиқ муаммолар бўлмайди.
Хизматдан фойдаланган одамлар барбекю, бургер, суши, сабзавотли салатлар ёки тай гўшти каби тайёр овқатлар ҳам буюртма қилиши мумкин.
Буларнинг барчаси қонун билан тақиқланмаган, маҳкумлар ҳам бундай озиқ-овқат, шахсий парваришлаш воситаларидан фойдаланиш ҳуқуқига эга, — дейди Алишер
Қамоқхоналарда нақд пул ва банк карталаридан фойдаланиш мумкин эмас. Шу сабабдан улар тўловларни қариношлари ёки бухгалтерия ҳисоби орқали амалга ошириши мумкин.
Тадбиркорнинг таъкидлашича, у ушбу бизнесни очиш йўлида ҳеч қандай муаммога дуч келмаган.
Аввалроқ Қозоғистон Марказий Осиёдаги биринчи криптомарказ бўлмоқчи эканлиги хабар берилган эди.
Изоҳ (0)