Ichki ishlar vazirining tegishli buyrug‘i bilan mayor O‘ktam Xoliqov Jomboy tumani IIB boshlig‘i lavozimiga tayinlandi. Bu haqda Samarqand viloyati IIB axborot xizmati xabar berdi.
Ma’lum qilinishicha, Samarqand viloyati IIB boshlig‘i polkovnik Rahmat Mamatov yangi tayinlangan rahbarni shaxsiy tarkibga tanishtirib, kelgusi xizmatlarida omad tilagan.
Mazkur tayinlovgacha O‘ktam Xoliqov Samaraqand tumani IIB boshlig‘i o‘rinbosari lavozimida faoliyat yuritgan.
Bundan oldin, Jizzax shahriga yangi prokuror tayinlangani, O‘zbekiston IIVda qator lavozim tayinlovlari amalga oshirilgani, Bulung‘ur tumanining sobiq hokimi Samarqand viloyati IIB Transportda xavfsizlikni ta’minlash boshqarmasi boshlig‘i etib tayinlangani to‘g‘risida xabar berilgandi.
Izoh (0)