O‘zbekistonda 25-oktabr Ichki ishlar organlari xodimlari kuni sifatida nishonlanadi. Ushbu sana munosabati bilan “Daryo” ichki ishlar organlari tizimida xizmat qilib, keyinchalik hokimlik lavozimiga tayinlangan amaldorlar haqida jamlanma tayyorladi.

Mansurbek Alixonov, Andijon viloyati Asaka tumani hokimi

Mansurbek Alixonov 2020-yilning sentabr oyida Asaka tumani hokimi lavozimiga tayinlangan. U mazkur tayinlovga qadar Jalaquduq tumani IIB boshlig‘i lavozimida faoliyat yuritgan.

Foto: Asaka tumani hokimligi axborot xizmati

Bahodir Bahromov, Samarqand viloyati Bulung‘ur tumani hokimi

Bahodir Bahromov 2017-yilda Bulung‘ur tumani hokimi lavozimiga tayinlangan. Hokimlikka qadar Samarqand shahar IIB boshlig‘i edi.

Foto: Bulung‘ur tumani hokimligi axborot xizmati

Ilhom Yusupov, Surxondaryo viloyati Qiziriq tumani hokimi

Ilhom Yusupov 2020-yilning iyulida Qiziriq tumani hokimi etib tayinlangan, bungacha esa Surxondaryo viloyati IIB boshlig‘i o‘rinbosari lavozimida ishlagan.

Foto: Surxondaryo viloyati hokimligi axborot xizmati

Bahrom Tursunov, Surxondaryo viloyati Uzun tumani hokimi

Bahrom Tursunov 2019-yil sentabrida Uzun tumani hokimi etib tasdiqlangan. Bunga qadar Muzrabot tumani IIB boshlig‘i lavozimida edi. Tursunov faoliyati davomida Surxondaryo viloyati IIB tizimida turli lavozimlarda ishlagan.

Foto: Foto: Surxondaryo viloyati hokimligi axborot xizmati

Farrux O‘ktamjonov, Sirdaryo viloyati Sayxunobod tumani hokimi

Farrux O‘ktamjonov 2020-yilning noyabr oyida Sayxunobod tumani hokimi lavozimiga tayinlangan. Bungacha Sirdaryo viloyati IIB boshlig‘ining jamoat tartibini saqlash bo‘yicha o‘rinbosari lavozimida ishlab kelgan.

Foto: Sirdaryo viloyati hokimligi axborot xizmati

Sayidbahrom Sayidmusayev, Farg‘ona viloyati So‘x tumani hokimi

Sayidbahrom Sayidmusayev 2020-yilning iyun oyida (“So‘x voqealari”dan so‘ng) So‘x tumani hokimi lavozimiga tayinlangan. U bunga qadar So‘x tumani IIB boshlig‘i edi.

Foto: So‘x tumani hokimligi axborot xizmati

Zoir Aliqulov, Qashqadaryo viloyati Dehqonobod tumani hokimi

Zoir Aliqulov 2016-yilning sentabr oyida Dehqonobod tumani hokimi sifatida ish boshlagan. Bunga qadar Qashqadaryo viloyati IIB Patrul-post xizmati va jamoat tartibini saqlash boshqarmasi boshlig‘i edi.

Foto: “Daryo” / Otabek Qo‘ldoshev

Shavkat Mavlonov, Toshkent shahar Chilonzor tumani hokimi

Shavkat Mavlonov 2021-yilning iyun oyida Chilonzor tumani hokimi etib tayinlandi. Bungacha Sirdaryo viloyati IIB boshlig‘i lavozimida ishlagan.

Foto: Toshkent shahar hokimligi axborot xizmati

Azizxon Umarxonov, Toshkent shahar Olmazor tumani hokimi

Azizxon Umarxonov 2021-yil avgust oyida Olmazor tumani hokimi sifatida ish boshladi. U bunga qadar Ichki ishlar vazirligi Jamoat tartibini saqlash bosh boshqarmasi boshlig‘i edi.

Foto: Toshkent shahar hokimligi matbuot xizmati

Ma’lumot o‘rnida

O‘zbekistonning amaldagi ichki ishlar vaziri Po‘lat Bobojonov 2012—2017-yilllarda Xorazm viloyati hokimi, 1996—1999-yillarda Xorazm viloyati hokimi o‘rinbosari, 1992—1996-yillarda Xorazm viloyati Bog‘ot tumani hokimi birinchi o‘rinbosari lavozimlarida ishlagan.

Foto: “Daryo” / Madina Nurman