Professional boks bo‘yicha ikkinchi yarim yengil vazn (-55,34 kg) toifasida WBA va IBF kamarlari sohibi Murodjon Ahmadaliyev (10-0, 7 KO) 26-iyun tongida AQShda navbatdagi jangini o‘tkazadi.
Matchroom tomonidan o‘tkazilayotgan musobaqada o‘zbekistonlik bokschiga amerikalik Ronni Rios (33-3-0, 16 KO) raqiblik qiladi.
Jang taxminan 26-iyun tongi soat 05:00 dan keyin boshlanadi.
Bahs oldidan sportchilar tarozidan o‘tdi. Unda Ahmadaliyev 54,97 kg qayd etgan bo‘lsa, Rios 55,29 kg tosh bosgan.
Eslatib o‘tamiz, Murodjon so‘nggi jangini 2021-yilning 19-noyabrida Xose Velaskesga qarshi o‘tkazib, ochkolar evaziga g‘alaba qozongandi.
Ronni Rios esa 2021-yil fevral oyida amerikalik Oskar Negreteni mag‘lub etgan.
Izoh (0)