O‘zbekistondagi bir nechta tijorat banklari 23-iyun, payshanba kuni dollar valyutasining so‘mga nisbatan kursini 10 900 so‘mga qadar tushirdi. Bu fevral oxiridan buyon qayd etilgan eng minimum ko‘rsatkich.
Aksariyat banklar 1 AQSH dollarini 10 900 so‘mdan sotib olishni, 10 795-10 870 oralig‘ida so‘mga sotishni taklif qilmoqda. Tijorat banklarida dollar kursi birinchi marta 11-mart kuni 11 ming so‘mdan oshib ketgandi. Markaziy bank xorijiy valyutalarning o‘zbek so‘miga nisbatan 23-iyundan amalda bo‘ladigan qiymatini belgilagan. Unga ko‘ra, dollarning rasmiy kursi 10 847,08 so‘mni tashkil qilmoqda.
Quyida dollarning yangi qiymatini e’lon qilgan ayrim banklar keltirilgan:
- NBU: sotib olish — 10 840 so‘m, sotish — 10 900 so‘m;
- “Hamkorbank”: sotib olish — 10 870 so‘m, sotish — 10 900 so‘m;
- “Davrbank”: sotib olish — 10 830 so‘m, sotish — 10 900 so‘m;
- “Turonbank”: sotib olish — 10 830 so‘m, sotish — 10 900 so‘m;
- “Tengebank”: sotib olish — 10 840 so‘m, sotish — 10 900 so‘m;
- “Kapitalbank”: sotib olish — 10 850 so‘m, sotish — 10 900 so‘m.
Izoh (0)