Samarqand viloyatining Jomboy tumanida sodir bo‘lgan yo‘l-transport hodisasi oqibatida bir yo‘lovchi halok bo‘ldi, deb xabar beradi viloyat IIB axborot xizmati.
Ma’lum qilinishicha, 13-iyun kuni Saricha—Qang‘li—Boybag‘ish avtomobil yo‘lida katta tezlikda harakatlangan Nexia avtomobili boshqaruvni yo‘qotib, yo‘l chetidagi daraxtga urilgan.
Avariya oqibatida avtomobil ichida yo‘lovchi sifatida kelayotgan 52 yoshli ayol og‘ir tan jarohatlari bilan shifoxonaga yotqizilgan. Ko‘rsatilgan tez tibbiy yordamga qaramasdan jabrlanuvchi shifoxonada vafot etgan.
O‘lim bilan bog‘liq mazkur YTH yuzasidan “Qang‘li” MFYda viloyat IIB Jamoat xavfsizligi xizmati Yo‘l harakati xavfsizligi boshqarmasi xodimlari, keng jamoatchilik vakillari va mahalla ahli ishtirokida muhokama bo‘lib o‘tgan.
Avvalroq Namanganda MAN bilan to‘qnashgan “Jiguli”ning old qismi butunlay pachoqlanib ketgani, Samarqandda tez yordam mashinasi va “Jiguli” to‘qnashib ketgani, Qashqadaryoda “ZIL” va Nexia ishtirokida sodir bo‘lgan YTH oqibatida yo‘lovchi vafot etgani, Samarqandda Damas 9 yoshli bolani urib ketib, hayotiga zomin bo‘lgani to‘g‘risida xabar berilgandi.
Izoh (0)