Markaziy bank 23-iyunda amal qiladigan valyuta kurslarini e’lon qildi.
Unga ko‘ra, AQSH dollari so‘mga nisbatan urushdan avvalgi qiymatiga qaytdi. 23-iyun holatiga ko‘ra dollarning so‘mga nisbatan qiymati 10 847 so‘m bo‘lib turibdi. Rossiya va Ukraina o‘rtasida urush boshlanganida 1 dollar 10 840 so‘m edi.
Mart oyida dollar 11 573 so‘mgacha ko‘tarilgan edi. Yil boshidan beri dollar so‘mga nisbatan 27,41 so‘mga o‘sdi.
Bunga nima sabab bo‘lmoqda?
Eksport va pul o‘tkazmalari ko‘paygani sababli dollarga bo‘lgan taklif unga bo‘lgan talabdan oshdi.
Masalan, yanvar—mart oylarida O‘zbekistonga o‘rtacha oylik 490 mln dollarlik pul o‘tkazmalari kirib kelgan bo‘lsa, aprel—may oylarida bu ko‘rsatkich 1,3 mlrd dollarga yetdi.
Oylik eksport tushumlari hajmi yanvar-mart oylariga nisbatan 1,3 barobarga oshdi, eksport tushumlari hisobidan ichki valyuta bozorida sotilayotgan mablag‘lar miqdori esa 1,4 barobarga ko‘paydi.
So‘m almashuv kursning qisqa muddatda keskin mustahkamlanib ketishini oldini olish maqsadida Markaziy bank ichki bozordan 523 mln dollarlik valyuta mablag‘larini sotib oldi.
O‘zbek so‘mining holati kelugusi oylarda barqaror bo‘lishi kutilmoqda. Bunga sabab qilib yil boshidan beri ichki valyuta bozoriga 1 mlrd dollar intervensiya qilinmagani aytilmoqda.
Avvalroq O‘zbekistonning yil boshidan beri tashqi savdo aylanmasi ma’lum bo‘lgandi.
Izoh (0)