Марказий банк 23 июнда амал қиладиган валюта курсларини эълон қилди.
Унга кўра, АҚШ доллари сўмга нисбатан урушдан аввалги қийматига қайтди. 23 июнь ҳолатига кўра долларнинг сўмга нисбатан қиймати 10 847 сўм бўлиб турибди. Россия ва Украина ўртасида уруш бошланганида 1 доллар 10 840 сўм эди.
Март ойида доллар 11 573 сўмгача кўтарилган эди. Йил бошидан бери доллар сўмга нисбатан 27,41 сўмга ўсди.
Бунга нима сабаб бўлмоқда?
Экспорт ва пул ўтказмалари кўпайгани сабабли долларга бўлган таклиф унга бўлган талабдан ошди.
Масалан, январь—март ойларида Ўзбекистонга ўртача ойлик 490 млн долларлик пул ўтказмалари кириб келган бўлса, апрель—май ойларида бу кўрсаткич 1,3 млрд долларга етди.
Ойлик экспорт тушумлари ҳажми январь март ойларига нисбатан 1,3 баробарга ошди, экспорт тушумлари ҳисобидан ички валюта бозорида сотилаётган маблағлар миқдори эса 1,4 баробарга кўпайди.
Сўм алмашув курснинг қисқа муддатда кескин мустаҳкамланиб кетишини олдини олиш мақсадида Марказий банк ички бозордан 523 млн долларлик валюта маблағларини сотиб олди.
Ўзбек сўмининг ҳолати келугуси ойларда барқарор бўлиши кутилмоқда. Бунга сабаб қилиб йил бошидан бери ички валюта бозорига 1 млрд доллар интервенсия қилинмагани айтилмоқда.
Аввалроқ Ўзбекистоннинг йил бошидан бери ташқи савдо айланмаси маълум бўлганди.
Изоҳ (0)