O‘zbekistonda dollar kursi 10 895 so‘mgacha tushdi.
Bu 9-martdan beri eng past ko‘rsatkichdir. O‘sha kundan boshlab dollar keskin o‘sishni boshladi va bir hafta ichida 10 897 so‘mdan 11 571 so‘mgacha ko‘tarilgan edi.
So‘mning bunday qulashidan keyin Markaziy bank chora ko‘rishni boshladi. Natijada dollar mart oyidagi ko‘rsatkichlarga qaytdi.
Markaziy bank nima qildi?
Martga kelib so‘m AQSH dollariga nisbatan 6,8 foizga qadrsizlangan edi. Shu munosabat bilan, Markaziy bank ichki valyuta bozoridagi intervensiya hajmini oshirgan.
Ushbu operatsiyalar “neytrallik tamoyillari” asosida amalga oshiriladi – ya’ni oltin-valyuta zaxiralari hisobiga emas, balki o‘tgan yili jamg‘arilgan qo‘shimcha zaxiralar hisobiga.
Bundan tashqari, bank tizimini zaruriy likvidlik bilan ta’minlash maqsadida banklarga Markaziy bank tomonidan qisqa muddatli likvidlik taqdim etib bordi.
Markaziy bank tomonidan muomalaga chiqariladigan qisqa muddatli obligatsiyalar oylik o‘rtacha qoldig‘i bo‘yicha limitlar 20 trln so‘mgacha oshirildi.
Banklarga joriy yilning 1-iyuliga qadar:
- chakana operatsiyalar bo‘yicha valyuta kurslarini belgilashda valyuta birjasida Call-auksion natijasida shakllangan valyuta kursidan foydalanish imkoniyati berildi;
- tijorat banklari tomonidan auksionlarda xarid qilinadigan Markaziy bank obligatsiyalari bo‘yicha foiz stavkalari darajasi asosiy stavkaning yuqori chegarasigacha kengaytirildi;
- ikki haftalik depozit auksionlari bo‘yicha limitlar bekor qilindi.
Bu choralar valyuta kursi va umumiy bozor barqarorligini ta’minlaadi..
Avvalroq Markaziy bank raisi O‘zbekistonda dollar kursiga izoh bergan edi.
Izoh (0)