Namangan viloyatining Namangan tumanida suyultirilgan gaz ballonlariga uzundan uzoq navbat kuzatilgani aks etgan video tarqaldi. “Daryo” muxbiri mazkur holat yuzasidan mas’ullar bilan bog‘landi.
“Hududgaz Namangan” gaz ta’minoti filiali mutasaddilarining ma’lum qilishicha, videoda 2022-yil 13-mayda tumanning “Chag‘ir” mahallasida ro‘y bergan holat aks etgan.
“2022-yil boshidan beri mazkur mahallaga 47,8 tonna, jumladan, 12—14-iyun kunlari 9,2 tonna suyultirilgan gaz yetkazib berilgan”, — deyiladi mazkur idora axborotida.
Mutasaddilarning qo‘shimcha qilishicha, suyultirilgan gaz ballonlari odatda 30-35 kunda almashtiriladi, biroq iyun oyida bu muddat biroz cho‘zilgani sababli yuqoridagi holat ro‘y bergan.
“Hozirda suyultirilgan gaz ballonlari yetkazish bilan bog‘liq muammo to‘liq bartaraf etilgan”, — deydi mas’ullar.
Izoh (0)