Наманган вилоятининг Наманган туманида суюлтирилган газ баллонларига узундан узоқ навбат кузатилгани акс этган видео тарқалди. «Дарё» мухбири мазкур ҳолат юзасидан масъуллар билан боғланди.
«Ҳудудгаз Наманган» газ таъминоти филиали мутасаддиларининг маълум қилишича, видеода 2022 йил 13 майда туманнинг «Чағир» маҳалласида рўй берган ҳолат акс этган.
«2022 йил бошидан бери мазкур маҳаллага 47,8 тонна, жумладан, 12—14 июнь кунлари 9,2 тонна суюлтирилган газ етказиб берилган», — дейилади мазкур идора ахборотида.
Мутасаддиларнинг қўшимча қилишича, суюлтирилган газ баллонлари одатда 30-35 кунда алмаштирилади, бироқ июнь ойида бу муддат бироз чўзилгани сабабли юқоридаги ҳолат рўй берган.
«Ҳозирда суюлтирилган газ баллонлари етказиш билан боғлиқ муаммо тўлиқ бартараф этилган», — дейди масъуллар.
Изоҳ (0)