“Roma” hujumchisi Eldor Shomurodov faoliyatini “Galatasaroy” klubida davom ettirishi mumkin.
Hurriyet nashri xabariga ko‘ra, Turkiya jamoasi o‘zbekistonlik futbolchini o‘z safiga qo‘shib olmoqchi. “Galatasaroy”ning yangi texnik direktori Okan Buruk Eldorni jamoaga olib kelishni xohlamoqda.
Tarkibida Mustafo Muhammad, Bafetimbi Gomis va Mbaye Dian kabi hujumchilari bor jamoa Eldorni sotib olib tavakkal qilmoqchi emas. Shu bois Istanbul klubi hujumchini ijaraga olish haqida o‘ylamoqda.
Ma’lumot uchun, Shomurodovning transfer narxi taxminan 8 million yevroga baholanmoqda. Eldor “Roma” safida 2021/22-yilgi mavsum rimliklar safida barcha musobaqalarda 39 ta o‘yinda ishtirok etib, 5 ta gol va 6 ta golli uzatmaga mualliflik qildi.
Rim klubi 2021-yil yozida Eldor Shomurodovni “Jenoa”dan 17,5 million yevro evaziga xarid qilgandi. Shomurodov 2020/21-yilgi mavsum boshida “Rostov”dan 7,5 million yevro evaziga “Jenoa”ga o‘tgandi. Bungacha u “Mash’al” va “Bunyodkor” klublarida to‘p surgan.
Izoh (0)