Ispaniya Milliy Olimpiya qo‘mitasi 2030-yilgi qishki Olimpiada o‘yinlariga mezbonlik qilish bo‘yicha arizasini qaytarib olishga qaror qildi.
Bunga Aragon va Kataloniya hukumatlari musobaqalarni taqsimlash borasida kelishuvga erisha olmagani sabab bo‘lgan.
Xalqaro Olimpiya qo‘mitasi avvalroq 2030-yilgi Olimpiya o‘yinlariga mezbonlik qilish uchun yana 3 ta ariza olgan edi. Ispanlar Amerikaning Solt-Leyk Siti, Yaponiyaning Sapporo va Kanadaning Vankuver shaharlari bilan raqobat qilayotgandi.
Yana qator mamlakatlar qishki Olimpiya o‘yinlariga mezbonlik qilish bo‘yicha tenderda qatnashish imkoniyatini o‘rganmoqda.
2030-yilgi qishki Olimpiada o‘tkaziladigan joy XOQning 2023-yilgi sessiyasida e’lon qilinadi.
Izoh (0)