Элдор Шомуродов Туркия чемпионатига йўл олиши мумкин

«Рома» ҳужумчиси Элдор Шомуродов фаолиятини «Галатасарой» клубида давом эттириши мумкин.

Hurriyet нашри хабарига кўра, Туркия жамоаси ўзбекистонлик футболчини ўз сафига қўшиб олмоқчи. «Галатасарой»нинг янги техник директори Окан Бурук Элдорни жамоага олиб келишни хоҳламоқда.

Таркибида Мустафо Муҳаммад, Бафетимби Гомис ва Мбае Диан каби ҳужумчилари бор жамоа Элдорни сотиб олиб таваккал қилмоқчи эмас. Шу боис Истанбул клуби ҳужумчини ижарага олиш ҳақида ўйламоқда.

Маълумот учун, Шомуродовнинг трансфер нархи тахминан 8 миллион еврога баҳоланмоқда. Элдор «Рома» сафида 2021/22 йилги мавсум римликлар сафида барча мусобақаларда 39 та ўйинда иштирок этиб, 5 та гол ва 6 та голли узатмага муаллифлик қилди.

Рим клуби 2021 йил ёзида Элдор Шомуродовни «Женоа»дан 17,5 миллион евро эвазига харид қилганди. Шомуродов 2020/21 йилги мавсум бошида «Ростов»дан 7,5 миллион евро эвазига «Женоа»га ўтганди. Бунгача у «Машъал» ва «Бунёдкор» клубларида тўп сурган.